Том Сойердің басынан кешкендері. Гекльберри Финнің басынан кешкендері

Сіздер таныс болғалы отырған екі шығармада да осы мәселе екі баланың көзқарасы арқылы әдемі баяндалады. Еркіндік аңсаған құл Джим мейірімді, жанашыр, өзі сенген, жақсы көрген Гекті өз баласындай жақсы көреді. Бұл арқылы жазушы құл да ақ нәсілді адамдар секілді адами қасиеттер иесі екенін көрсетеді. Ал ақ нәсілділер арасында да король мен герцог секілді алаяқтар болатынын жазушы асқан шеберлікпен көрсете білген. Марк Твен 1910 жылы қайтыс болды, яғни оның о дүниелік болғанына биыл 100 жыл болып отыр. Алайда ұлы суреткердің есімі ұмытылған жоқ, әлемнің қандай үлкен-кіші елдеріне барсаң да, Марк Твенді білмейтін оқырман болса, бірен-саран болуы керек. Бұл кітап қазақ оқырмандарының да жастана жатып оқитын шығармасына айналады деген сенімдемін. Фариза ОҢҒАРСЫНОВА ақын, Халық жазушысы