Sergey Dovlatov

Tezliklə cəza orqanları Zaretskidən şübhələnməyə başladılar. Zaretski də köç etməli oldu. Gömrükdə tarixə düşən bəyanat verdi:

— Rusiyanı mən tərk eləmirəm! Rusiya məni tərk edir!..

Onu yola salanlardan tək-tək soruşurdu:

— Akademik Saxarov buradadır?..

Təyyarəyə minmə ərəfəsində qətiyyətlə çəmənliyə yaxınlaşdı. Qürbətə bir ovuc rus torpağı aparmaq istəyirdi.

Milislər onu çəmənlikdən qovdular. O vaxt Zaretski qışqırdı:

— Mən Rusiyanı çəkməmim dabanaltlığında aparıram!..

— Amerikada Zaretski müəllim oldu. O, hamını öyrədirdi. Yəhudilərə —provaslavlığı, slavyanlara — iudaizmi. Amerika əks-kəşfiyyatçılarına sərvaxt olmağı.

Bütün gücü ilə demokratiya uğrunda mübarizə aparırdı. O, deyirdi:

— Demokratiyanı bütün vasitələrlə yaymaq lazımdır. Hətta atom bombasıyla!..