Өлеңдер жинағы. ІІ кітап

ДӘРІГЕРІМЕ

Керегі жоқ,

Керегі жоқ,

Керегі жоқ бәрінің!

Иненің де керегі жоқ,

Керегі жоқ дәрінің!

Кетсем егер пленканың үзілген бір әнімен,

Қалсам егер қара жердің жалғыз түйір дәнімен.

Дәрігерім, рақмет!

Мен әзірге өлмеймін!

Кешіре гөр!

Жүрегімді пышағыңа бермеймін.

Әуре болмай босат мені!

Енді алдыңа келмеймін.

Керегі жоқ, керегі жоқ,

Пышақтауға көнбеймін!

Қорықпаймын пышақтан да,

Қорықпаймын инеден.

Ине түгіл бұл жүректі найза дағы түйреген...

Құпиямды көресің ғой, мен сондықтан именем,

Кешір мені,

Кешір мені!

Кетем ертең үйге мен.

Бауыр ісіп, бас айналып, бойда қаным тасыған,

Бәріне өзім кінәлімін, оның несін жасырам.

Көп нәрсеге қуанам да, көп нәрсеге ашынам,

Ғылымға да, өзіңе де рақмет, бас ұрам!

Уақытым барады өтіп, мен бір жаққа асығам...

Ділгірсін көңіл, ділгірсін.

Өкініш, ынсап бір жүрсін.

Дүниенің ағын да, қарасын да,

Мыңқ етпейсің, қабылдап аласың да.

Қарасымен шамаң жоқ таласуға,

Ей, өмірім, зымырап барасың ба?

Тағы да көрдім,

Тағы да көрем таң нұрын!

Аязын қыстың,

Аяулы жаздың жаңбырын.

Алтынға, мейлі, толмай-ақ қойсын сандығым,

Ырзамын саған!

Ырзамын саған, тағдырым!

Өлгеннен сұра дер едім,

Тірі жандарға,

Өмір дегеннің не екенін.

Өлгеннен сұра дер едім,

Тірі жандарға,

Өмір дегеннің не екенін.

Несін!
Несін?
Несін маған кездестің?
Мұңдасуға, сырласарға
Таппадың ба өзге ешкім?!
Өз мұңым бар,
Оз сырым бар жетерлік.
Екі мұңды арқалауға
Енді, жаным, төзбеспін!
Там-тұм ғана қуанышым,
Тарам-тарам бар қайғым.
Сырт көргенге ойсыз, мұңсыз,
Салдыр-салақ жандаймын.
Несін?
Несін?
Несін менен сұрайсың?

Сен айт менің ойымды айта алмаған

Ақын болсаң, алмас бол тайпалмаған!

Қаншама жан болғанмен соры қалың,
Әйтеуір, саған бір күн жолығармын.
Әзірге зарығармын, торығармын,
Білемін, болар бір шақ жолығар күн.
Мен сені сүймеймін де,
Сүйген де емен,
Тағдырдан шын сүюді үйренбегем.
Жанымда лапылдаған жоқ махаббат,
Тек қана тірлігім бар күйбеңдеген.
Сүюден күйген ерін, күйген денем,
Жаралы жолбарыспын киреңдеген.
Арзанқол достарым көп, құрдасым көп,
Мен сені сағынамын мұңдасым деп.
Жоқ менің өліп-өшкен махаббатым,