Ənvər Məmmədxanlı-BABƏK

İmperator sarayında Rahib çəkdiyi rəsmin yanında dayanmışdı, imperator Feofil kənardan Babəkin portretinə baxaraq fikrə getmişdi.

– Daşdan çapılıb, elə bil üzünün hər cizgisi! – dedi Feofil. – Doqquz yaşında dağ çobanı. Sonra ilk gənclik illərində karvan oğlanı... Ola bilər bu mümkündür. Amma heç vaxt inanmaram ki, tuluqda zeytun yağı satan bir kişinin oğludur bu... hər ehtimala qarşı, şəcərə düzəltmək lazımdır bu adam üçün, guya İran şahı Bəhram Çubinin nəslindəndir.

İnsanın özü haqqında öz sözü? Deyirlər, bu barədə qədim peyğəmbərlərdən biri özü-özündən sual edirmiş ki, əgər mən özüm özüm üçünəmsə, nəyə lazımam, yox əgər özüm özüm üçün deyiləmsə, onda bəs özüm kiməm?

abbasiləri taxta çıxardan gün ölkəsi – Xorasan necə?

Ey Babək! Ey Atropatanın ulu sərvəri!

Babək xürrəmilikdən üz çevirib xristianlığı qəbul etsə... kim bilir, bəlkə bir gün...

– Bir az yavaş Stefanus, sən çox uzağa getdin...

– Nə üçün? İspaniyalı və iranlı, suriyalı və ərməniyyəli imperatorlarımız olmamışdırmı? Və İmperatriçə İrina Xəzər qızı Çiçək deyildimi?..

Bu 7-ci xilafət ordusudur ki, Azərbaycan dağlarında tar-mar olur.

Xristian kilsəsi xristianlara icazə vermir ki, öz xristian qullarını, müsəlmanlara, yaxud yəhudilərə satsınlar. Mən ki, xristian deyiləm, ey Vadila!

Süleyman peyğəmbər ki, İbranilərin şahı idi, uçan xalçası, tilsimli üzüyü vardı, əqlinin açdığı müşküllərə məxluq heyran qalardı, var-dövləti başından aşardı, səhər gün çıxanda sarayının şüşə damları almaz kimi bərq vurardı... Axırda bilirsənmi neylərdi? Oturdu səbət toxumağı özünə adət elədi ki, dar macalda qara günündə dadına çatsın...

haqqında düz deyiblər ki, tul əl lisan-həlak əl-insan (dilin uzunluğu insan üçün fəlakətdir)

– Elədir, ya həzrət, – dedi qoca təbib, – beynimiz çox uzaqdakı ulduzlar dünyasına nüfuz etdiyi halda, çox yaxında öz içində cərəyan edən hadisələr haqqında bizə heç bir şey deyə bilmir.

– Elə isə Sokratın kəlamı həqiqətdir ki, bizim bildiyimiz bir şey varsa, o da heç bir şeyi bilmədiyimizdir.

– Amma biz çox biləndən sonra, ya Əmir əl-Möminin, ən uca səviyyədə heç bir şey bilmədiyimizi dərk edərik.